Archive for the ‘it’s mother time!’ Category

h1

American Idol Commentaries (Parents Edition)

Pebrero 20, 2012

Kainitan ng paghahanap na naman ng American Idol, at bilang isang proud Pinoy ay buong-buo ang aking suporta sa nasabing talent showHee Jun Han for the win! Lol

Idol commentaries by:   ADELAIDA (Credential:  Mutya ng Pampanga 38th runner-up 1970)

“Bakit puro matatanda yata ang nakapasok sa Hollywood week?”

“Madaming panget ngayon, ‘yung parang halos lahat ng nakasali eh panget.”

“Bakla ba yang si Steven Tyler?”

”Mas gusto ko pa rin pinapanood ang American Idol nung nandun si Simeon.”

For the record:  Simeon?  Ito yata ’yung dating nurse na naging lider ng sindekato sa Munting Heredera (GMA Drama primetime).

Idol commentaries by:   DYISAS SENIOR (Credential: Barangay Tom Jones Look-a-like Videoke Contest 9th Placer 2001)

Habang nanonood ng American Idol Season 11 Hollywood week:

Dyisas Senior:  Ang galing, kaboses niya ‘yung singer na bulag. (Meaning, Stevie wonder.)

Rai:  Ah, si Willie Garte?

Dyisas Junior:  (Tawa lang ng tawa)

Dyisas Senior:  Oo, ‘yung bulag. (Umo-o naman talaga eh noh?)

Rai:  ‘Yung kumanta ng “Bawal na gamot”?

Dyisas Senior:  Oo.  (Oo pa rin talaga ang sagot.)

Rai:  ‛Yung nasagasaan yata or something – basta ‘yung patay na?

Dyisas Senior:  Hindi, buhay pa.

Dyisas Junior:  (Tawa lang ng tawa)

Rai:  Baka naman si Stevie Wonder ang ibig mong sabihin?

Dyisas Senior:  ‘Yun nga sinasabi ko.

Rai:  Wow.  Oo nga naman.*

h1

Adelaida on Dennis & Jennilyn (The 12th Gospel)

Agosto 18, 2011

Habang nanonood ng balita sa TV kanina tungkol sa pagiging “single” ni Dennis Trillo, kahit hindi ko tinanong eh nag-comment ang aking pamosong nanay.

Adelaida:  Alam mo, Yan, maganda na rin na naghiwalay si Jennilyn at Dennis.

Rai:  Uh-huh. (Nawiweirduhan sa topic)

Adelaida:  Alam mo kung bakit?

Rai:  Sige na nga.  Bakit?

Adelaida:  Kasi hindi sila bagay.

Rai:  Dahil?

Adelaida:  May anak na si Jennilyn.

Rai:  Isyu ‘yun kasi?

Adelaida:  Pareho silang may anak ni Dennis.

Rai:  At alam mo talagang may anak si Dennis?

Adelaida:  Yes.  Alam ko dalawa na anak niya.  Kaya hindi sila bagay, kasi may anak silang pareho.

Rai:  So mas bagay sa kanila eh single dapat?

Adelaida:  Basta dapat walang anak ‘yung magsosyota nila.

Rai:  Ligawan ka ni Dennis, ayaw mo, Ma?

Adelaida:  *tiningnan at nag-smile kay tatay*  Ayaw ko; may anak na siya eh.

Rai:  Eh kung walang anak?

Adelaida:  Ah ‘yun okay lang. *tawa ng malakas*

Rai:  So dapat talaga walang anak at single?

Adelaida:  Yes.

Rai:  Single si Luis Manzano?

Adelaida:  Dinedate ni Jennilyn si Luis?

Rai:  ‘Yan oh, sabi sa balita.

Adelaida:  Ang landi naman ni Jennilyn.

Rai:  *tawa lang ng tawa*

Adelaida:  Ano nagustuhan niya kay Luis?

Rai:  Single siya, ‘yun siguro?

Adelaida:  Eh dapat ‘di si Luis, eh bakla ‘yan eh.

Rai:  Paano mo nalaman?

Adelaida:  Eh sa tingin pa lang, parang medyo malambot.  Saka syempre magmamana ’yan sa tatay niya na bakla rin.

Rai:  Si Edu?

Adelaida:  Oo.

Rai:  Bakla rin si Edu?

Adelaida:  Oo naman.  Kaya nga siya hiniwalayan ni Vilma.

Rai:  *tawa lang ng tawa*  Paanong napunta kay Edu at Vilma ang usapan?

h1

Marunong ka ba mag-Facebook, anak?

Hunyo 10, 2011

Adelaida:  Yan, may itatanong ako?

Rai:  ‘Di pa ako nagsweldo, Ma.  Bukas pa lang.

Adelaida:  Hindi ‘yun.  Ang dami ko pang pera eh.

Rai:  Nagyabang ka pa, Doña Adelaida?  Eh ano nga?

Adelaida:  Marunong ka bang mag-Facebook?

Rai:  Syempre.  Bakit?

Adelaida:  May ipapahanap sana akong tao sa iyo.

Rai:  Eh bakit ‘di ka patulong sa mga pulis o kaya sa barangay.  *tawa ng tawa*

Adelaida:  Sira.  Sabi kasi nila kapag may gusto kang hanapin na kakilala mo, i-type mo lang name.

Rai:  Na ka-edad ko, oo.  Pero sa batch niyo, kung gusto mong hanapin, may mga vault na hinahalukay para makita lang ‘yung address.  ‘Yung ibang files naman eh wala na, nasunog nong magkaroon na sunog sa eskwelahan niyo.

Adelaida:  Seryosong usapan nga.

Rai:  Eh ‘yun nga, marunong nga ako mag-Facebook.  Oh, napano?  Anong meron?

Adelaida:  Hahanapin ko sana ‘yung ex ko.

Rai:  Wow.  Ex talaga?

Adelaida:  Oo, nung hayskul.  Alam ko engineer na siya ngayon.  Mabait ‘yun.

Rai:  Baka naman ‘yung totoong tatay ko ‘yan, eh hanapin na natin.

Adelaida:  Naku, ‘di niya gugustuhing maging anak ka nun.  Masungit ka at mapili sa pagkain.

Rai:  ‘Di pala ako marunong mag-Facebook. *nag-walk-out*

Conclusion:   Engineer ‘yata’ talaga tatay ko.  And yeah, mapili sa pagkain.  Pambihira.

h1

Small Talk Season 3: Tatay ko si Hitler at marami pang usapan

Disyembre 5, 2010

Adelaida:  Yan, kinuha mo ba ‘yung mga hair rollers ko?

Rai:  “Kinuha”?  Ganun talaga ang tanong?

Adelaida:  Oo.

Rai:  Ma, halos wala akong buhok.  Tawag sa buhok ko, Mohawk.  Paano naman ako mag-ro-rollers?

Adelaida:  Tinatanong ko kung nakita mo ‘yung mga rollers ko.

Rai:  Oh, wow, ‘yun nga naman ang tanong mo.

Adelaida:  (Nangiti lang.  Naisip marahil na mali ang tanong niya.)

***

Bago mag-Undas, kung anu-ano ang feature reports sa TV ng mga dapat gawing paghahanda kung bibiyahe papunta ng probinsya (lalo na kung may gamit na sariling sasakyan.)

Dyisas Junior (nakisabat sa TV):  Magdala ng extra driver!

Rai:  Apir!  Kwela ‘yun.

***

Ugali naming apat na magkakaibigan (mareness.com) na mag-text na animo’y nasa isang chatroom (sigurado ako may tawag sa ganun, ‘di ko lang maisip ngayon).  Anyway, ito ang isa sa mga ‘yun.

Otso:  Use BAMPIRA in a sentence…

Rai:  ayaw ko.  WTF?! Lol

Toshi:  Use it! (nakisawsaw talaga)

Otso:  Answer:  “Pautang naman, meron ka BamPira?” bwahahahahahahahaha =P

Rai:  Again, WTF?! Lol

Toshi:  bisaya amp.lol

Otso: radio sa kapitbahay.  Natawa ako.

Rai:  this is precisely the reason why pinapabili kita ng TV, Bading.. Tsk tsk..

***

Sa canteen noong Biyernes, may dumating na “porendyer” (Australian yata).  Umorder ito ng kape sa canteen girl na kasing perky ni Pokwang.  Hinatid ni Perky Girl ang kape ni Porendyer.

Porendyer:  Thank you.  How are you?

Perky Girl:  Have a nice day. (sabay walkout)

Rai:  “Have a nice day” talaga sagot?  Tinatanong kung kamusta ka raw.

Perky Girl:  Nakow, Avatar, ikaw kumausap diyan.  Filipino ako.

Rai:  Ako hindi, ganun?

Perky Girl:  Alien ka! Bwahahaha

***

Nasa sala, nood ng Kathy Griffin:  My Life on the D-list

Adelaida:  Yan, sino ‘yan?

Rai:  Si Kathy Griffin.

Adelaida:  Bakla ba ‘yan?

Rai:  Babae ‘yan, Ma.  Kathy nga, ‘di ba?

Adelaida:  Bakit ‘yung napanood ko sa Miss Gay; ‘di naman babae pero Carmina Villaruel pangalan.

Rai:  Babae si Kathy Griffin.

Adelaida:  Mukha siyang bakla.

Rai:  Oo na.  Oo na.

***

Sa Dau Bus Station, papunta sa birthday thingie ni Otso.

Rai:  Kuya, pwede ba [bumaba] sa Farmers?

Kunduktor 1:  Hindi pwede.  Bawal dun.  Hangang Cubao Terminal lang.

Rai:  Okay. (walkout at pili ng ibang bus)

Rai:  Kuya, pwede ba sa Farmers?

Kunduktor 2:  Farmers?  Oo, pwede.

Rai:  Sigurado ka, Kuya ah?

Kunduktor 2:  Ano sa “oo, pwede” ang hindi mo naintidihan?  Oo na nga, ‘di ba?

Rai:  Galit ka, Kuya? May attitude?

Kunduktor 2:  Nagpapaliwanag lang.

Rai:  Good.

***

Birthday ni Otso at nasa Shakey’s kami.  Lumapit ang isang waitstaff.

Toshi:  Pahingi ng isang glass of water.

Waistaff:  Ilan po?

Toshi:  Isa.

Rai:  O kaya bigyan mo na lang kami ng “dalawang isang glass of water”.

(Tawanan lahat)

***

Naghahapunan kasama si Adelaida at Dyisas Senior.

Adelaida:  Dyisas Senior, tanggalin mo nga ‘yang bigote mong ‘yan.

Dyisas Senior:  Bakit na naman?

Adelaida:  Eh kapag may bigote ka, kamukha mo si Hitler.

Rai:  (nasamid at naubo na lang sa kakatawa)

Adelaida:  Promise, kamukha mo si Hitler, lalo ‘pag ganyang naka-kunot-noo ka.

h1

Salamat, Ms. Jessica Soho

Nobyembre 29, 2010

1:01 – 1:40

Soho:  Sorry, isa pa.

Regine:  May isa ka pang trivia?  Ang dami niyan ah?

Soho:  Hindi ka nagba-bra.

Regine:  Ay!  (tawa lang ng tawa at kumuha ng pillow at tinakpan ang breast area)

Soho:  Ang galing noh? (nakitawa na rin)

Regine:  Hay!  (tawa pa rin)  Oh my God!

Soho:  As in!

Regine:  Eh kasi – eh kasi bata pa ako hin – hirap ako – ang hirap kaya huminga.

Soho:  Oo.  Lalo na ‘pag singer ka siguro. (Bumabawi)

Regine:  Oo, siguro.  Siguro ‘yun.  Kasi kasi parang ‘pag bumibirit ako, syempre lumalaki ‘yung likod ko, ‘di ba, nahihirapan ako.

Soho:  (tumatawa lang)

Regine:  Kamusta naman?  Ikaw lang nagsabi niyan! Bwahaha!

Soho:  Hindi naman malaswa. (Bumabawi ulet)

Regine:  Nahihiya ako!  Bwahaha!

Soho:  Hindi naman malaswa. (Bumabawi ulet)

***

Sa nakaraang episode ng Jessica Soho Reports Anniversary Special: Pinoy Icons, isa sa apat na na-feature at na-interview ng personal ng nakakatuwang si Ms. Jessica Soho ay si Regine Velasquez.  Anong tuwa ko ng may banggitin si Ms. Soho ng isang “trivia” na ‘di umano’y alam niya patungkol kay Regine, na sinang-ayunanan (at tinawanan) naman ng Asia’s Songbird.

Sa puntong ito, nais kong magpasalamat sa bumubuo ng Jessica Soho Reports dahil nasagot na sa wakas ang isa sa mga pamosong tanong ng aking nanay na si Adelaida.

Pero, mawalang-galang na, Regine, hindi si Ms. Jessica Soho ang unang nagsabi ng “trivia” na wala kang bra lagi.

At bilang ebidensya na magtatatlong taon ng problema ng Nanay ko ang isyu kung nagba-bra ba si Regine o hindi, narito ang mga ilang naisulat ko na patungkol sa isyung nabanggit:

Exhibit A

The Gospel According to Adelaida

Marso 15, 2008

Hindi rin matatawaran ang mga opinyon ni Nanay tuwing manonood ng TV. Sa paksang TV at mga programa nito, ayon kay Nanay:

14. Sino daw si Enchong Dee.

15. Ang bida sa tele-fantasyang Lastikman (ABS-CBN 2) ay si Zsa Zsa Padilla.

16. Laging walang bra si Regine Velasquez. As in bakit LAGI daw.

Exhibit B

On Everything…Pwera sa Sun

Abril 24, 2008

ON THE WINGS OF LOVE…

Tandaan na kung hindi man madalas mag-bra si Regine (gaya ng madalas mapansin ni Mama tuwing nakikita niya ito TV) ay wala na tayong pakialam dun. Tandaan na kung nagpatangos man ng ilong, nagparetoke ng mata, o nagpa-lipo si Regine ay hindi na rin natin problema. Ang kailangang problemahin (at ‘yan ay napatunayan ko sa mga nakaraang tsismis tungkol sa kanya) ay kung lilipat ba talaga siya ng ABS-CBN at kung nabuntis na ba talaga siya ni Ogie. Lolz

Exhibit C

Hindi na mandatory ang ID at uniporme sa mga pampublikong eskwelahan

Hunyo 2, 2008

Siya nga po pala, ito’y mga tanong ko lang naman po, nasasa-inyo po kung sasagutin niyo o hindi:

1. Ano po binibigay niyong gift tuwing nag-ni-ninang kayo sa kasal?

2. Natatawa po ba kayo kay Ate Glow sa pag-i-impersonate niya sa inyo?

3. Pinapatanong po ni Mama ito: Sa tingin niyo ba laging walang bra si Regine Velasquez?

Exhibit D

Nagbabalik ang echusero

Marso 1, 2010

Sa may apat na linggong pagkakawala ko sa ere, nabigyan ako ng oportunidad na magnilay-nilay at bigyan ng pansin ang mga ibang bagay bukod sa Internet, gaya na lang ng mga sumusunod:

– pagkumpleto sa lahat ng levels ng Plants Vs. Zombies.

– pagtulong sa mga nasalanta sa Haiti (‘di na lang ako magiging specific)

– pagpapatibay ng pintuan sa may dirty kicthen.

– pagpuna na rin sa nakahiligan na yata ni Regine na ‘di pagsusuot ng bra (na una ng napansin ng aking pamosong inang si Adelaida)

Exhibit E

Ang Tatlong Wish sa Genie ng Nanay ko

Agosto 27, 2010

Isang mapayapang gabi, at dahil nagpapagaling pa ako sa aking maituturing na “buwanang trankaso”, nakahiga lang ako sa kwarto at nanonood ng Pasan Ko Ang Daigdig ni Sharon Cuneta.  Maya-maya pa ay dumating ang bisita ni Adelaida, isang kaanak na sa tuwing makikita ko ay iniisipanan kong uutang na naman kay Mama.  Natural lang, sa pag-upo nila Mama, ay nag-umpisa na ang mga kwento niya, mula sa kasalukuyang isyu na tinatalakay ng Homeowners Association ng subdivision hangang kay Regine at kung magsusuot ba ito ng bra sa kasal niya (Hula ko, oo.)

Kaya kung may magtatanong man kung sino ang unang nagtanong patungkol sa ‘di pagsusuot ng bra ni Regine, ito ang Nanay ko at hindi si Jessica Soho.

***

h1

Ang Kawali

Nobyembre 8, 2010

Isa sa pinakamakabuluhang bahagi ng aking weekend ay ang naganap noong Linggo ng hapon.  Kakatapos lang maghugas ng pinagkainan ni Adelaida (ang aking pamosong nanay) at bigla na lang itong nag-ingay sa kusina na animo’y may hinahanap.  Napilitan akong magtanong dahil masyado na siya maingay (at parang kinakausap ako at nagtatanong na) at dahil hindi ko na marinig ang TV.

Rai:  Ma, ano hinanahap mo?

Adelaida:  ‘Yung kawali.

Rai:  Magluluto ka?

Adelaida:  Hindi.  Hindi mo ba pinahiram ‘yung kawaling malaki?

Rai:  Ako?  Baki – ako? Magpapahiram ng kawali?  Ang tanong, Ma, kanino?

Adelaida:  Eh baka nakalimutan mo lang.

Rai:  Ma, bakit ako magpapahiram ng kawali, eh ni wala nga akong kaibigang na kung sakali ay manghihiram?  (Tawa ng tawa)  Oh, wait, isipin ko.  Baka nga naman hiniram ni Otso? (kaibigang taga-Bataan, pero sa Manila nakatira ngayon)

Adelaida:  (hanap pa rin ng hanap)

Rai:  (Bumalik sa panonood ng TV)

Adelaida:  Dyisas Senior (tatay), may nanghiram ba sa iyo ng kawali?

Dyisas Senior:  Wala.

Yan, baka naman may nanghiram ng kawali sa iyo?

Rai:  Oh my godSeriously?  Kung may nanghiram ng kawali sa akin, maniwala kayo, hindi ko makakalimutan. (Tawa pa rin ng tawa)

Adelaida:  (Naupo sa may dining table at malungkot na)

Rai:  (Pumunta na sa kusina at sinubukang hanapin ang kawali)  Kapag nahanap kitang kawali ka, patay ka sa akin!  Magluluto ako tocino at hahayaang masunog tapos ‘di kita bubuhusan ng tubig!  Goodluck kung matanggal mo ang sunog na tocino. (Medyo asar na)

(After 10-20 minutes)

Rai:  Ito ba iyon, Ma? (Pinakita ‘yung nakitang kawali)

Adelaida:  Malaki ‘yun.

Rai:  So, hindi ito?  Okay.

Adelaida:  Kawali na lang nanakawin pa.

Rai:  Ma, ninakaw lang kawali?

Adelaida:  Bigay pa naman ng Lola mo sa akin ‘yun.

Rai:  Oh, wait.  Kawali ba hinahanap natin o kawa?  Ito ba ‘yung malaking kawali na parang TV sa mga horror films?  Tandaan mo, Ma, galit si God sa mga mangkukulam.

Adelaida:  Hindi.  Ginamit ko pa lang ‘yun nung nagluto ako ng pagkain na dinala naming ng Tatay mo sa Tarlac noong Undas.

Rai:  Undas. Undas.  Ako lang naman saka si – si BUNSO!  (Kuha ng cellphone at tinext ang noo’y bunsong kapatid na nasa Manila)

Text Message:  Dyisas Junior, putangina, nakita mo ba ‘yung “malaking kawali” ni Nanay?!  Kanina pa niya hinahanap sa akin.  Mukha ba akong hanapan ng nawawalang kawali?!

Dyisas Junior:  Ay, kuya, oo nga pala, nakalimutan ko sabihin.  Hiniram ni Kuya Steve.

Rai:  Ma, hiniram daw ni Kuya Steve (kapitbahay).

Adelaida:  Oh, tingnan mo na.  Kung hindi ko pa hinanap, malamang nawala na iyon.  Kaya pala nagtataka ako (white noise na lang para sa akin ang mga sumunod na “paragraphs” ni Mama)

Rai:  You’re welcome, Ma.

h1

Small Talk Season 2 – Family Edition

Oktubre 15, 2010

Adelaida:  Alam mo, Yan, gigil na gigil ako sa Tito mo.  Kung may alam lang akong mangkukulam, pinakulam ko na siya.

Rai:  Ma, ‘di ba ayaw ni Dyisas (Chirst) ang mga mangkukulam.

Adelaida:  Nakow, sa tingin ko, kahit minsan lang, maiitindihan ako ni Dyisas kapag pinakulam ko Tito mo.

Rai:  ‘Di ba kasalanan ‘yun kay “God”?

Adelaida:  Ikukumpisal ko na lang.

Rai:  Wow.

***

Nood ng TV at nakakita ng instant noodles commercial.

Rai:  Ma, gusto ko nung El Diablo na binili nung kumare mo minsan.  San binibili ‘yun?

Adelaida:  Nakow, ‘di ka dapat kumakain ng ganun.

Rai:  I know.  Ma-vetsin, right?  Saka ‘di luto ‘yung noodles.

Adelaida:  Hindi.  ‘Yung pangalan kasi – El Diablo.  Parang kapag kinain mo ‘yun, kinakain mo ‘yung demonyo.

Rai:  ‘Di mas maganda.  Wala na problema; makakain ang demonyo, peace at praise-the-lord na lang forever.

Adelaida:  ‘Di ka kasi nagsisimba kaya ganyan.

Rai:  Sandali nga, sino ba nag-umpisa ng “parang kinakain ang demonyo”?  Ako ba?  Gusto ko lang ng El Diablo or kahit anong noodles.  Pambihira.

***

Dyisas Junior (Bunso):  Kuya, may sore eyes ba ako? (Pinilit pinapapakita mata)

Rai:  Malay ko.  Baka nag-aadik ka lang.

Dyisas Junior (Bunso):  Parang may sore eyes ako eh.

Rai:  Umamin ka na kung nagda-drugs ka.  Mukha ba akong mapanghusga o may pakialam at ipaparehab ka?

(Walkout si Bunso)

***

Rai:  Ma, pengeng 200 (pesos).

Adelaida:  Para saan?

Rai:  Magsisimba ako.

Adelaida:  Eh bakit ka humihingi ng 200.

Rai:  Ginagaya ko lang si Bunso.  Tuwing Sunday, around afternoon, magbibihis siya, sasabihin magsisimba, at aabutan mo ng 200.

Adelaida:  Oo.  Para may pangkain siya at after manonood siya ng sine.

Rai:  Well, ganun na ganun balak kong gawin, Ma.  Pengeng 200.

Adelaida:  Ayoko.

Rai:  Bakit?

Adelaida:  Ang kapatid mo, nag-aaral pa at wala pang trabaho; ikaw, meron.

Rai:  See? Tapos nagtataka ka bakit ‘di ako nagsisimba.  Walang 200, walang simba.  Hmmp!

***

Bagong gising ako nang subukan ng kapatid ko na kausapin ako.

Dyisas Junior (Bunso):  Kuya, tingnan mo oh. (pinakita ang isang folded na towel)

Rai:  Oh, napano?

Dyisas Junior (Bunso):  Kuya, tingnan mo oh. (pinakita ulit ang isang folded na towel)

Rai:  Ano nga?

Dyisas Junior (Bunso):  May bagong towel ako.

Rai:  Oh. Good for you.

Dyisas Junior (Bunso):  Bigay ni Mama ‘to, Kuya.

Rai:  Oh.  I get it now.  Gusto mo magselos ako?  Okay.  Okay.

(Um-enter si Adelaida)

Rai:  (Yakap si Mama) Maaaaaaaaaaa, gusto ko rin ng bagong towel.  At bagong kapatid, ‘yung hindi tulendoy…

(Walkout ang bagong gising at naligo).

Rai:  Good morning, lumang towel!

***

Small Talk Season 1